اسالة تغث اكبر واحد

اكو اسئلة بايخة تصير وياكم

اليوم جبتلكم اسئلة اكبر واحد تغثة
تخيل \ي
إنت نايم على الفراش تبعك ، ومطفي الضوة،
ومتغطي بالبطانية، يجي واحد من أهلك
ويفتح باب غرفتك والاضويه كله
ويكلك:
'هاااااااا ؟؟ !! شنو نايم ؟
؟'
لا والله دا اركص وأغني.. بس إنت دتتخيل اني نايم

معزومين يم جماعة، ووصلتوا.. دكيتوا الباب.. (طق طق طق) هع
يفتحلكم واحد من أهل البيت ويسألك
يكوللكم:
'ها..جيتوا ؟؟'

لا والله بعدنه على الطريق.. بعد نص ساعة نوصل لطويريج.. إشوية إزدحام

لابس هدومك الحلوة، ومتعطر، والجل على شعرك يخبل
(هاي للولد لان البنات ميطلعوون اذا مياخذون موافقه العشيره كله)،
وبيدك ميدالية مال مفاتيح السيارة (إذا عندك سيارة)... تجي أمك
وإتكول:
'ها إبني.. طالع ؟؟'؟؟؟

لا والله يوم.. دا أطلع للسطح.. وأعدل الدش مال الستلايت..

لازم الكتاب لو الملزمة، وكاعد دتقرة لأن باجر عندك إمتحان،
(هاي للبنات لان الولد ميعرفوون بالسنه مره يفتحوون الكتاب ولو يفتحوو لو لا )
وناثر الكتب حواليك والأوراق مطشرة بكل مكان.. يطب أبوك
ويكلك:
'ها إبني.. دتقره ؟؟'

لا والله يابة.. دا أبدل الدهن مال السيارة ودا أصلح الكابريتر.

هستوك لازم السماعة مال التلفون واتريد إتخابر صديقك (لو صديقتك)، وبديت إدك بالأرقام.. تجي أمك
وتسألك:
' شنو دتخابر'

لا والله.. دا أسوي زلاطة.. بس السچينة عمية ومدتنكص الطماطة وياية0(خوش ابن يساعد امه الله يرضه عليك)

واحد يأشر لتكسي.. التكسي يوكفله..
يكله للسايق:
'فارغ ؟؟'

لا والله عندي أربع خطوط مال مدارس لازم أجيبها، وأريد اروح أتسوك قبلها، واشتري لحم، وأشتري رقي وأدفع قائمة الكهرباء.

راكب نفرات بكيا.. إطلع (ربع دينار) وتنطيها للكدامك.. الكدامك
يسألك:
'واحد عيوني ؟؟'

لا عيوني.. 20 واحد ورجعلي الباقي
(هاي هسه ممحيه من الوجود اصلا مياخذوون ربع يمكن 1000)اطورنه عيني موبيدنه

إتريد تنزل من الكيا.. تكوله للسايق.. على اليمنة بلية زحمة..
السايق يسألك:
'شنو.. إتريد تنزل ؟؟'

لا والله .. دا أجرب صوتي... أشوفه حلو لو محلو
موبالله تحجي الاخرس هاي الاسئله affraid

» كيف تجعل الليمونة تعطي اكبر كمية من العصير